اهلاً رمضانرمضان يا شهر القرأن
جيت لنا تانى
والكل بيك فرحان
فيك الصايم يتحس ملاك
مـ السنه للسنه نستناك
بكل الحب بنتمناك
وبندعى ربنا نكون وياك
فيك الاطفال كده ملمومه
مستنين مدفع الافطار
يضربوا صواريخهم المجنونه
يا جمال ألوان فوانيسهم
بالليل نلاقيها سهرانه
وادى الشراشير راحه جايه
بترقص اصلها فرحانه
فيك نتنافسك فى القرأن
فيك من يحفظ
وفيك من يقرأ
وبنزايد فــ الختمات
ولا الكسل بعد الفطار
وافكر مصليش التراويح
بس بنشط وببقى همام
وبيكسبنى الايمان
ماهواتربط الشيطان
متفكرش عشان صايمين
نبقى منك احنا شايلين
دا الصوم نعمه فرضها الرحمن
وأكد لنا الاطباء العظام
ان الصحه بتيجى عالصيام
اهلاً اهلاً ضيف عزيز
اهلاً اهلاً شهر لذيذ
2 التعليقات:
كل سنة وأنت طيب ورمضان كريم
"يضربوا صواريخهم المجنونه
يا جمال ألوان فوانيسهم
نلاقيها بالليل سهرانه
والشراشير راحه جايه
بترقص اصلها فرحانه"
بلاش الصواريخ لأحسن بيبقي نفسي أقتل الأطفال اللى بتضرب صواريخ
وبلاش الفوانيس برضه بتاعت الأيام دي فوانيس زمان كانت أحلى الفانوس أبو شمعة ده كان حاجة عظيمة كده بتحسس الواحد أنه ماسك حاجة مهمة كده
:D
عامة كل سنة وأنت طيب
وحلوة الكلمات جمعت فيها كل حاجة بنشوفها فى رمضان
سلام
كل سنه وانتى طيبه و رمضان كريم
جعلنا الله من الفائزين
فى شهر رمضان الكريم
جميعاً..
والفوانيس طبعاً كانت احلى
بس هيه نعمل ايه
بخصوص الصواريخ فدا شر قائم ووباء منتشر نعمل ايه
إرسال تعليق