**/\** اختار يور مـيـديـا **/\**
مما لا شك فيه اننا نهدر اوقاتاً كثيره على الاغانى
-ع الفاضى والمليان-
مما ينعكس علينا حتماً بالسلب
- تضييع وقت واستدعاء مشاعر مش وقتها دلوقت -
مما ينصب فى بوطقة الفشل والخنقه والتنفيض للدراسه والمذاكره
فـــ لــيـــــــــــــــــــــه؟؟؟؟؟؟
منطيعش ربنا
و
منستثمرش وقتنا
ونتعرف على معلومات جديده وضروريه لنا جميعاً
عن ديننا وعن كبرائنا وعظمائنا ؟؟؟
وبطريقه سهله جداً
-ممكن فى المواصلات...
...اى وقت يناسبك
انت عارف نفسك بقى-
ومربحه فى الحسنات
وغير مهدره للوقت
ومزايا كثيييييييييييييييييييره كثييييييييييييييييييييره
يدخرها لنا الله عز وجل
سلسلة أئمة الهدى ومصابيح الدجى
لشيخنا حفظه الله وزاده علماً وعملاًَ وتثبيتاً
وجزاه الله عنا خيراً
" محمد حسان ,,
http://www.islamway.com/?iw_s=Scholar&iw_a=series&series_id=5091
ماذا تعرف عن الفتن التى كادت ان توقع بأمة محمد صلى الله عليه وسلم
لولا فضل الله عز وجل ومشيئته
ومن ثم حكمة العظماء؟
ماذا تعرف عن الاقوياء حقاً ؟
اقوياء مثل الاساطير التى امتلأت بها عقولنا
ولكنهم رضى الله عنهم حقيقتاً لا خيال
ماذا تعرف عن الحكماء والراشدين ؟
ماذا تعرف .....؟
ماذا تعرف .....؟
.
.
.
.
ماذا تعرف .....؟
مما لا شك فيه اننا نهدر اوقاتاً كثيره على الاغانى
-ع الفاضى والمليان-
مما ينعكس علينا حتماً بالسلب
- تضييع وقت واستدعاء مشاعر مش وقتها دلوقت -
مما ينصب فى بوطقة الفشل والخنقه والتنفيض للدراسه والمذاكره
فـــ لــيـــــــــــــــــــــه؟؟؟؟؟؟
منطيعش ربنا
و
منستثمرش وقتنا
ونتعرف على معلومات جديده وضروريه لنا جميعاً
عن ديننا وعن كبرائنا وعظمائنا ؟؟؟
وبطريقه سهله جداً
-ممكن فى المواصلات...
...اى وقت يناسبك
انت عارف نفسك بقى-
ومربحه فى الحسنات
وغير مهدره للوقت
ومزايا كثيييييييييييييييييييره كثييييييييييييييييييييره
يدخرها لنا الله عز وجل
سلسلة أئمة الهدى ومصابيح الدجى
لشيخنا حفظه الله وزاده علماً وعملاًَ وتثبيتاً
وجزاه الله عنا خيراً
" محمد حسان ,,
http://www.islamway.com/?iw_s=Scholar&iw_a=series&series_id=5091
ماذا تعرف عن الفتن التى كادت ان توقع بأمة محمد صلى الله عليه وسلم
لولا فضل الله عز وجل ومشيئته
ومن ثم حكمة العظماء؟
ماذا تعرف عن الاقوياء حقاً ؟
اقوياء مثل الاساطير التى امتلأت بها عقولنا
ولكنهم رضى الله عنهم حقيقتاً لا خيال
ماذا تعرف عن الحكماء والراشدين ؟
ماذا تعرف .....؟
ماذا تعرف .....؟
.
.
.
.
ماذا تعرف .....؟
7 التعليقات:
جزاك الله خير عن الموضوع
بعيدا عن حكاية الأغاني
هو أكيد لما أسمع حاجات عن الدين هستفيد بيها
بس مش فى كل الأوقات الواحد هيبقي دماغه فايقة كده ومركز أنه يسمع حاجة مهمة لكن الأغاني تعتبر خلفية ممكن أستمع ليها أو ممكن اسرح وهي شغالة مش هتفرق
ما عليناااا
جزاك الله خير عن الموقع وعن المعلومات اللى هنستفدها بإذن الله من الموقع ده
سلااام
هوا حكاية انك تنصت للدروس جمييله
بس مش ضروريه
انا بعمل حاجه حلوه قوى انا مثلا
بسمعها فى المواصلات او الوقت اللى برستر فيه والحته اللى فيها حاجه مهمه بعلمها واعرف هيا فى انهى دقيقه بالظبط
وابقى اراجعها تانى بقى اصل دا علم ولازم الواحد يسجل الحاجات المهمه
والواحد بيسرح فعلاً وهيا شغاله بس بسرح اجيب حاجات مهمه ومفيده والحمد لله
انما مع الاغانى بقى الواحد بيسرح فى اتفه الحاجات
الاغانى ليها اضرار فظيعه ولكنها خفيه
ومن ابسطها انها بترقق القلوب
"الاغانى ليها اضرار فظيعه ولكنها خفيه
ومن ابسطها انها بترقق القلوب"
زي ايه مثلا؟؟؟
أنا مش بأقول نسمع أغاني ودروس العلم لأ
بس انا وجهة نظري فى الموضوع أن الأغاني مش حرام فمافهمتش ليه فى أول الموضوع بتقول أن الأغاني ليها أضرار وكده
أصل موضوع أنك تاخد الأغنية على أساس مشاعر وكده وتفكر فى حد ده ماشى حرام بس أنا مابفكرش كده
يعني كان فيه كتاب عن الأغاني وهل سماعها حرام أو لأ كان بيحكي موقف لإمام معروف -للأسف مش فاكرة اسمه- أن واحد راح يقوله الأغاني حرام فقاله بكل بساطة ايه اللى حرام فيها؟؟
ومحبتش أرد على الموضوع من غير ما أرد على النقطة دي عشان محدش يفتكر أني بأرد على حاجة أنا بأقول عكسها يعني أنا بأسمع أغاني ماينفعش أرد على موضوع فيه واحد بيقول الأغاني حرام وأقول ايوة لأن ببساطة مش دي وجهة نظري
بس كده
ومعلش على لو الرد طويل
سلام
"لأن ببساطة مش دي وجهة نظري"
الحلال والحرام لو وجهات نظر تبقى الحياه بظرميط
ثانياً انا مجبتش ريحة الحلال والحرام فى الموضوع
انا بتكلم من ناحية العقل والتجربه
بكل بساطه
الاغانى بتلعب فى القلب
لو تلاحظى مثلا لو الدوم عالى تلاقى قلبك نبض
وما اكتر الدومات
دى ملاحظه خفيفه يعنى
والملاحظات كتييييييييير
فبتخلى الواحد مش فى تركيزه
انا قلت
"مما ينعكس علينا حتماً بالسلب
- تضييع وقت واستدعاء مشاعر مش وقتها دلوقت -
مما ينصب فى بوطقة الفشل والخنقه والتنفيض للدراسه والمذاكره"
والواحد هيذاكر ولا هيدرس ازاى وتركيزه مش معاه ؟؟؟؟؟؟
تانى حاجه بقى ازاى الواحد يسمع حاجه وميتأثرش بيها
ولو تأثير لحظي ؟؟؟
الفرق كبييييير لما قللت الاغانى تدريجياً
كبييييير قــــــوى
وربنا يسهل ومنحتجلهاش خالص
أنا مكنش قصدي أن وجهة نظري أن أنا باقول أنها حرام لأ أنا قرأت فى الموضوع واللى اقتنعت بيه من اللى قرأته أنها مش حرام ده أولا
ثانيا يمكن بتأثر الأغاني فى الناس بس مش دائما ولأني أصلا بأشغلها كمجرد صوت فى الأوضة وأنا بأذاكر أو كده عشان الصمت التام بيخليني أسرح
فمش حاسة أنها بتخليني أفكر فى مشاعر وكده -يمكن أنا الإحساس عندي قليل شوية :)- بس عامة أنا بأحب أغاني الأطفال والأغاني اللي فيها تشجيع وأمل وأن الحياة ممكن تبقي أحسن
يعني مثلا أغنية زي جدد حياتك أنا بأحبها جدااا وأغنية واحد شاى بأحبها جداااا برضه لأنها بتفرح كده
وعامة عشان النقاش مايطولش
أنا لما بس بأقول وجهة نظري أني مش شايفة أن الأغاني بتأثر سلبا فيا ولا بتنكد عليا ولا حاجة حتى لو أغنية حزينة أنا لما بأكتئب بيبقي لأسباب تانية :) فده عشان بس لما أرد على حاجة لازم أكون مقتنعة بالكلام اللى فيه ولا ايه؟؟
وزي ما قلت قبل كده
جزاك الله خيرا على الموقع وإن شاء الله هأسمع منه على قد ما أقدر
سلااام
لا لازم الواحد يقتنع ويفكر فى الكلام اللى بيقوله وبيسمعه لو حتى كلام فى اغنيه
لازم الواحد يكون عنده تقييم ووجهة نظر
دا فى كلام الدنيا انما فى الدين
"الحلال بين والحرام بين"
محدش يقدر يجزم انها حلال
دا اقل فتوى سمعتها "حسنه حلال وقبيحه حرام"
لان فيه اصلا اغانى فيها كلمات خاطئه فى العقيده
زى اغنية"مدد مدد يا رسول الله"
و"انا رجل بلا قدر"
وامثالهم
والااغنى كمان بتلهى الواحد عن الذكر
يعنى تلاقى مثلا ناس قبل المغرب بشويه عماليين يسمعوا اغانى وناسيين خالص ان دا وقت يستحب فيه الذكر
قال تعالى
{فَاصْبِرْ عَلَى مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا وَمِنْ آنَاء اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَى }طه130
وحكاية الصمت التام
جمييييل انا مبحبش اذاكر الا فى هدوء
جربى تقللى مالاغانى شويه شويه
هتحسى بالفرق ان شاء الله
تصور أنا كنت نسيت الموضوع :)
ما علينااا
الموضوع ببساطة
انا بأسمع اغاني بس مش كل الأغاني وزي ما فيه أغاني مابحبش أسمعها عشان كلماتها زي ما أنت قلت كده بس مش كل الأغاني كده فيه أغاني للشيخ مشاري أنا بأحبها جدااا وأغاني سامى يوسف ما دي برضه أغاني بس حلوة وكلماتها روعة عشان كده ما بحبش نطلع صفة عامة على الأغاني وهى كلها مش زي بعض
الإ لو حضرتك شايف أن الأغاني دي كمان حرام وعلى كده كمان شايف أن لما كنا بنقول النشيد فى المدرسة كان حرام لأنه كان فيه موسيقي ولو خدت بالك لأن عامة معظم الشيوخ اللى بتحرم الأغاني بتحرم معاها الموسيقي
وأنا الكلام اللى قلته واللى مقتنعة بيه جبته من القراءة فى الموضوع ده عن الأغاني وهل هي حرام ولا لأ
بس أنا فعلا عشان الأيام دي مشغولة مش عاوزة أدخل فى نقاش والإ كان زمان جبت لحضرتك الأحاديث اللى قرأتها وبالسند بتاعها بس هتحتاج تدوير
وعامة أنا بقالى فترة تقريبا بطلت أسمع اغاني أو بأسمعها قليل بس مش عشان هى حرام ولا لأ بس عشان أنا متقلبة ومابحبش أثبت على حاجة واتعود عليه
وحتة الصمت التام دي حلوة فى المذاكرة لو حد تاني صاحي فى البيت لكن لما يبقي صمت تام من حواليك فى البيت والشارع وأنت صاحي لوحدك بتذاكر الواحد بيخاف كده ويفضل يدعي على المادة :)) وعلى المذاكرة وسنينها :))
وعامة برضه أنا مش معترضة على أن الناس تبطل تسمع أغاني لأ أنا بس بأقول وجهة نظري اللى جبتها أو كونتها من كتب لشيوخ فى الأزهر وشيوخ ليهم أسمائهم ومكانتهم يعني
وياا رب الناس كلها تسمع قرآن وأدعية وتبطل تسمع أغاني :)
سلااااام
إرسال تعليق