عايزك تكتب
.
عايزك تكتب ،اتكلم ،بوح
هتلاقى نفسك لمكان جميل هتروح
.
احكى مشكلك لنفسك
من جوا نفسك
.
هتيجى تكتب مش هتلاقى مشاكل
اصل مشاكلك مش مشاكل
.
واحده واحده هتلاقيك كتبت شئ يتاكل
يتاكل مالحلاوه مالشقاوه مالجمال
صمم عالجمال
اكيد جاى جاى
.
بس خلى بالك
الحكايه مش سهله
ولا هيه سايبه
كل كلمه عليك هتعود
وتلاقى نفسك ليها تعود
.
احذر احذر
انك تخدع ،انك تنافق
دقق جدا
فى اللى يخص دينك
ممكن كلمه صغيره تدينك
وقبل اى كلمه ماتخرج
احسبلها الف مخرج
.
الكتابه مرايه
هتشوف فيها نفسك
هتشوف روحك
هتشوف مدى صفائك
من مدى قبولك لغيرك
هتشوف الناس .. هتلمسهم
هتعيش وياهم .. هتحضنهم
هتوسيهم ويواسوك
هتفرحهم ويفرحوك
